EARTHQUAKE/

Gumalaw ang lupa.

Naramdaman ko ang kilabot nito

sa 35th floor ng isang gusali dito sa Makati.

Nanginig ito sa lungkot at pagkabigo

Hindi na kayang dalhin ang mga Filipino.

Mga taong abala ngunit walang pupuntahan

Lahat naging salot sa sarilang bayan.

Mga politiko at mayayamang makapangyarihan

lagi nalang nanggugulang.

Walang pakialam kong sinong matapakan

Mga oposisyong puno lamang ng hangin at ingay

patalikod kong lumakad, nagsama pa ng alalay

Mga masang bayaran, daga ng lipunan

Sinusundan lamang ang gutom ng tiyan.

Mga middle class, gusto lamang ay magtrabaho.

Walang pakikisama.

Iniisip lamang ay sariling pag-asenso

Lahat sila ay karapatdapat puksain,

Kaya ang lupang ilalim umangal na rin.

Sa bigat ng ibinibigay nating pagdurusa,

kahit putik ay mawawalan ng pasensiya.

Isang babala lamang…

Magbago na tayo.

Dahil ang galit ng kalikasan

ay hindi natin kontrolado.